ഈ പ്രഭാതത്തിൽ....

ഈശോയെ, ഞാൻ കണ്ണുകൾ തുറക്കുമ്പോൾ, ഞാൻ ആദ്യം അങ്ങയുടെ രൂപം കാണട്ടെ. അങ്ങയെ കണ്ടുകൊണ്ടു എന്റെ ദിവസം ഞാൻ ആരംഭിക്കട്ടെ. ഈശോയെ പ്രഭാതത്തിൽ അങ്ങയുടെ നാമത്തിനു ആരാധനയും സ്തുതിയും കൃതജ്ഞതയും അര്പ്പിക്കുന്നത് എത്രയോ ഉചിതമാണ്. ഈ സമയം ഞാൻ അങ്ങയുടെ മുന്നില് നില്ക്കുന്നത് അങ്ങെനിക്കു നല്കിയ അനുഗ്രഹങ്ങൾക്കെല്ലാം നന്ദി പറയുവാനാണ് നാഥാ. എത്രയോ അനുഗ്രഹങ്ങളാണ് ഞാൻ തിരിച്ചറിയാതെ പോയത്.  ഈശോയെ നന്ദി നിറഞ്ഞ ഹൃദയത്തോടും അധരങ്ങളിൽ സ്തുതികളോടും കൂടെ അങ്ങയുടെ മുന്നില് നില്ക്കുവാൻ കഴിയുന്നതുതന്നെ അനുഗ്രഹമാണല്ലോ. എന്റെ മനസ്സും കരങ്ങളും ഉയരത്തി ഞാൻ അങ്ങേക്ക് നന്ദി പറയുന്നു.
എന്റെ ജീവിതത്തിൽ അങ്ങ് ചെയ്ത എല്ലാ കാര്യങ്ങൾക്കും ഞാൻ അങ്ങേക്ക് നന്ദി പറയുന്നു.
എന്റെ പാപങ്ങൾ ഏറ്റെടുത്തതിനും, എന്റെ രോഗങ്ങൾ സുഖപ്പെടുത്തിയത്തിനും എന്റെ ജീവിതത്തിലെ അന്ധകാരത്തിൽ പ്രകാശം ചൊരിഞ്ഞതിനും, എന്റെ അപമാനം നീക്കിയതിനും നന്ദി ദൈവമേ.
എനിക്കായി ജനിച്ചതിനും വേദനകൾ സഹിച്ചതിനും മരിച്ചതിനും ഉയർത്തെഴുന്നെറ്റതിനും പിതാവിന്റെ വലതുഭാഗത്ത് മഹത്വത്തോടുകൂടെ ഉപവിഷ്ടനായി ഞങ്ങള്ക്കായി മാദ്ധ്യസ്ഥം വഹിക്കുന്നതിനും നന്ദി ഈശോയെ.
ജ്ഞാനസ്നാനം, സ്ഥൈര്യലേപനം, കുമ്പസാരം, കുര്ബാന  എന്നീ ദിവ്യരഹസ്യങ്ങളുടെ കൂദാശകളെയോര്ത്തു നന്ദി ഈശോയെ.
ഞങ്ങളുടെ മാതാപിതാക്കൾ, മക്കൾ, ജീവിതപങ്കാളി, സഹോദരങ്ങൾ തൊഴിൽ ഭവനം കുടുംബം എന്നിവയെ ഓരത്തും നന്ദി ഈശോയെ.
ഇന്നേ ദിവസം എനിക്കുണ്ടാകുന്ന തകർച്ചകളിൽ രോഗങ്ങളിൽ ഭാരങ്ങളിൽ ഞാൻ അങ്ങയെ പുകഴ്ത്തും ഈശോയെ. 
ഇന്ന് ഞാൻ നടക്കേണ്ട വഴികൾ എന്നെ പഠിപ്പിക്കണേ. വഴിതെറ്റി സഞ്ചരിച്ചു ഞങ്ങൾ നരകത്തിനു അഹരാകാതിരിക്കട്ടെ.
അങ്ങയെ സ്തുതിക്കു ഈശോയെ. ഇന്ന് വേദന നിറഞ്ഞ മനസ്സോടെ കരഞ്ഞു കലങ്ങിയ കണ്ണുകളോടെ എഴുന്നേറ്റ എല്ലാ മക്കളെയും ആശ്വസിപ്പിക്കണേ. ഈ പ്രാര്ത്ഥന ചൊല്ലുന്ന മക്കളും ആര്ക്കെല്ലാം വേണ്ടി ഈ പ്രാര്ത്ഥന ചൊല്ലപ്പെടുന്നുവോ അവരും അനുഗ്രഹിക്കപ്പെടട്ടെ. ഈ ലോകത്തിലെ ഓരോ മക്കളും അങ്ങയുടെ സ്നേഹവും കരുണയും ക്ഷമയും അനുഭവിക്കട്ടെ. ആമേൻ ഈശോ....