പ്രിയ സഹോദരങ്ങളെ

പ്രിയ സഹോദരങ്ങളെ, തിരുസഭാ മാതാവ് ആണ്ടുവട്ടത്തിലെ ഇരുപത്തി ആറാം ഞായറാഴ്ചയിലാണ്. ഇന്നത്തെ സുവിശേഷം, ധനവാന്റെയും ലാസറിന്റെയും ഉപമയാണ്. നമുക്ക് പ്രാർത്ഥിക്കാം. പ്രിയ സഹോദര, സഹോദരി, ഈശോ നമ്മുടെ ജീവിതത്തിൽ ധനവാനോളം സമ്പത്തും ലാസറിനോളം ദാരിദ്ര്യവു...ം നല്കിയിട്ടുണ്ടാവില്ല. എങ്കിലും നമുക്ക് ആവശ്യമുള്ളത് ദൈവം നല്കിയിട്ടുണ്ട്. അവിടുന്ന് ദുഷ്ടന്റെയും ശിഷ്ടന്റെയും മേൽ ഒരുപോലെ മഞ്ഞും മഴയും പെയ്യിക്കുന്ന ദൈവമാണ്. നാം കൂടുതൽ ചോദിക്കുമ്പോഴും, നമുക്ക് എന്തുമാത്രം ഉൾക്കൊള്ളാനും താങ്ങാനും കഴിയുമെന്ന് അവിടുത്തെക്കറിയാം. അതുകൊണ്ട് തന്നെ ആവശ്യമുള്ളവ നമുക്ക് നല്കുന്നു. പലപ്പോഴും നാം ചോദിച്ച പലതും കിട്ടാത്തതിൽ ദൈവത്തോട് നമുക്ക് പരിഭവം തോന്നിയിട്ടില്ലേ. എന്നാൽ ദൈവം നോക്കുന്നത്, അവിടുന്ന് നമുക്ക് ദാനമായി നല്കിയ സുഖവും സൌകര്യങ്ങളും, അവയൊന്നും ഇല്ലാത്ത സഹോദരങ്ങളുമായി നാം പങ്കുവെക്കുന്നോ എന്നുള്ളതാണ്. ധനവാൻ പട്ടുവസ്ത്രങ്ങൾ ധരിച്ചു സുഭിക്ഷമായി ഭക്ഷിച്ചു കഴിയുമ്പോൾ തന്റെ വാതിലിൽ വൃണങ്ങളാൽ നിറയപ്പെട്ട ലാസറിനെ, കണ്ടു, എന്നാൽ കാണാത്തതുപോലെ ജീവിച്ചു. സമ്പത്ത് നേടിയതല്ല ധനവാന്റെ കുറ്റം, ആ സമ്പത്ത് എപ്രകാരം ലാസറിനു വേണ്ടിക്കൂടി ഉപയോഗിച്ച് എന്നാണു ദൈവം നോക്കുന്നത്. പ്രിയസ സഹോദരങ്ങളെ, നാം അദ്ധ്വാനിച്ചു സമ്പത്ത് നേടുന്നതിൽ ദൈവം നമ്മെ കുറ്റപ്പെടുത്തുന്നില്ല. എന്നാൽ ആ സമ്പത്ത് ദരിദ്രരായ സഹോദരങ്ങളുമായി അപ്രകാരം നാം പങ്കുവെക്കുന്നു എന്നുള്ളതിന് നാം കണക്കു കൊടുക്കേണ്ടി വരും. അഗ്നിയിൽ കിടക്കുന്ന സമ്പന്നൻ കാണുന്നത് അബ്രഹാമിന്റെ മടിത്തട്ടിലെ ലാസറിനെയാണ്. പലപ്പോഴും നാമും, നമ്മുടെ സന്തോഷത്തിലും സുഖത്തിലും സൌകര്യങ്ങളിൽ നിന്നും അനേകരെ മാറ്റി നിര്ത്തിയിട്ടില്ലേ. ഓര്ക്കുക, ഇപ്രകാരം നാം ഒഴിവാക്കുന്നവരാണ് ദൈവത്തിന്റെ പ്രിയപ്പെട്ടവർ. ഈ ഭൂമിയില്‍ കരയുവാനും സഹിക്കുവാനും വിധിക്കപ്പെട്ട നമ്മുടെ സഹോദരങ്ങളെ കണ്ടിട്ടും കാണാതെ ജീവിക്കുന്ന നമുക്ക് നഷ്ടമാകുന്നത് സ്വര്ഗ്ഗീയ സന്തോഷമാണ്. ഈ ഭൂമിയാണ്‌ എല്ലാം, ഈ ഭൂമിയിലാണ് എല്ലാം എന്ന് കരുതി ജീവിക്കുന്ന നമുക്ക് ദൈവം നല്കുന്ന ഒരു മുന്നറിയിപ്പാണിത്. എന്നും ഓരോ നന്മ ചെയ്തു ജീവിക്കാം.. പുണ്യത്തിൽ വളരാം. അവിടുത്തെ കൃപയുടെ തണലിൽ ആയിരിക്കാം എപ്പോഴും. നമുക്കുള്ളത് പങ്കുവെച്ചു ജീവിക്കുവാൻ ദൈവം നമ്മെ അനുഗ്രഹിക്കട്ടെ. ആ അനുഗ്രഹത്തിനായി ഇന്ന് പ്രാർത്ഥിക്കാം. വചനം നമ്മോടു പറയുന്നു....