ഈ പ്രഭാതത്തില്‍....
പെറ്റമ്മയേക്കാൾ എന്നെ സ്നേഹിക്കുകയും, ഞാന്‍ ജനിക്കും മുന്‍പേ എന്റെ പേരും രൂപവും കൈവെള്ളയില്‍ കുറിച്ച് വെക്കുകയും ചെയ്ത ഈശോയെ അങ്ങേക്കാരാധന...
ഞാന്‍ എന്താകുന്നുവോ അത് അങ്ങയുടെ കൃപയാലാകുന്നു. അങ്ങിലല്ലതെ എന്റെ ജീവിതത്തിനു ഒരു അര്‍ത്ഥവുമില്ലെന്ന് ഞാന്‍ മനസിലാകുന്നു.
ഈശോയെ, ആഗ്രഹിച്ചില്ലെങ്കില്‍ പോലും, പലപ്പോഴും അങ്ങില്‍ നിന്ന് അകന്നുപോയി ഞാന്‍.. ധൂര്‍ത്തനായി, പാപിയായി,
എന്നാല്‍ ഇന്നിതാ അനുതാപത്തോടെ അങ്ങയുടെ കാരുണ്യത്തിനും അനുഗ്രഹത്തിനുമായി അങ്ങയുടെ സന്നിധിയില്‍ എളിമയോടെ ഞാന്‍ നില്‍ക്കുന്നു. അങ്ങയുടെ സ്നേഹ സമ്മാനമായ പ്രഭാതത്തെ, ഈ ദിവസത്തെ ഞാന്‍ അങ്ങയുടെ കരങ്ങളില്‍ നിന്നും സ്വീകരിക്കട്ടെ.
ഇന്ന് എനിക്കുണ്ടാകാവുന്ന ബുദ്ധിമുട്ടുകളില്‍, പ്രലോഭനങ്ങളില്‍, ദുഖങ്ങളില്‍ അങ്ങ് എന്നെ ശക്തിപ്പെടുത്തണമേ. എന്റെ ഭൂതകാലവും ഭാവികാലവും അറിയാവുന്ന അങ്ങ് എന്റെമേല്‍ കരുണയായിരിക്കേണമേ.
ഈശോയെ, ഇതാ അങ്ങയുടെ കരങ്ങളിലേക്ക് എന്റെ മാതാപിതാക്കളെയും, സഹോദരങ്ങളെയും ജീവിത പങ്കാളിയെയും മക്കളെയും സുഹൃത്തുക്കളെയും സമര്‍പ്പിക്കുന്നു. അവര്‍ക്ക് വേണ്ടുന്ന അനുഗ്രഹം നല്‍കി അവരെ അനുഗ്രഹിക്കണമേ.
എന്റെ തൊഴിലും തൊഴില്‍ മേഖലയും, സഹപ്രവര്‍ത്തകരും, എന്റെ മുതലാളിയും, തൊഴിലാളികളും അനുഗ്രഹിക്കപ്പെടട്ടെ.
നാഥാ, അര്‍ഹിക്കാത്തത് എനിക്ക് നല്‍കരുതെ, അര്‍ഹിക്കുന്നത് എന്നില്‍ നിന്നും എടുത്തുമാറ്റുകയുമരുതെ.
ഇന്ന് ആരോടും കോപിക്കാതെ, അങ്ങയുടെ സ്നേഹത്തിന്റെയും ക്ഷമയുടെയും ഉപകരണമാകുവാന്‍ എന്നെ സഹായിക്കണമേ.
ജോലിയില്ലാതെ വിഷമിക്കുന്ന സഹോദരങ്ങളെ സമര്‍പ്പിക്കുന്നു. വിവാഹ തടസ്സം നേരിടുന്ന മക്കളെ സമര്‍പ്പിക്കുന്നു. മാരകമായ രോഗങ്ങളുമായി ജനിച്ച കുഞ്ഞു മക്കളെ സമര്‍പ്പിക്കുന്നു. ചികിത്സയില്ലാത്ത രോഗങ്ങള്‍മൂലം വേദനിക്കുന്ന സഹോദരങ്ങളെ സമര്‍പ്പിക്കുന്നു. അങ്ങേക്ക് ഒന്നും അസാദ്ധ്യമല്ല എന്നുഞാന്‍ വിശ്വസിക്കുന്നു. ഈ സമയം എന്റെ പ്രാര്‍ത്ഥന ആവശ്യപ്പെട്ട മകനെ, മകളെ, സ്പര്‍ശിക്കണമെ.
തെരുവോരങ്ങളില്‍ ജീവിക്കുന്ന ഞങ്ങളുടെ സഹോദരങ്ങള്‍ക്ക്‌ നന്മ ചെയ്യുവാന്‍ ഉദാരമായ ഒരു മനസ് ഞങ്ങള്‍ക്ക് നല്കണമേ.
കര്‍ത്താവേ, ജീവിതത്തിലെ പ്രയാസങ്ങള്‍ കാരണം അങ്ങയിലുള്ള വിശ്വാസവും പ്രത്യാശയും നഷ്ടപ്പെട്ട മക്കളെ അങ്ങ് സന്ദര്‍ശിക്കണമേ. അവരെ കുറിച്ചുള്ള അങ്ങയുടെ പദ്ധതി പൂര്‍ത്തിയാക്കണമേ.
എന്നും എപ്പോഴും അങ്ങ് ആകാശത്തിലും ഭൂമിയിലും ആരാധിക്കപ്പെടുവാനും സ്തുതിക്കപ്പെടുവാനും , ഇതാ എന്റെ ജീവിതത്തെ പരിശുദ്ധ അമ്മയുടെയും വിശുദ്ധരുടെയും പുണ്യങ്ങളോട് ചേര്‍ത്തു അങ്ങേക്ക് നല്‍കുന്നു.
ഈശോയെ, സ്വീകരിച്ചാലും, അനുഗ്രിച്ചാലും...ആമേന്‍..
The room provides six tables and a top-quality atmosphere with excitement, which is 카지노사이트 accessible 24 hours a day. The odds are programmed into the machine because it's launched to the casino flooring and additionally be} modified at periodic intervals, but not throughout play. And if the casino is even remotely crowded, solely play the one.
ReplyDelete