ഈ പ്രഭാതത്തിൽ.. പ്രിയ സഹോദരങ്ങളെ, പിതാവും പുത്രനും പരിശുദ്ധാത്മാവുമായ ദൈവത്തിനു നന്ദി പറയാം. നമ്മുടെ കണ്ണുനീർ കാണുകയും, അലച്ചിലുകൾ എണ്ണുകയും ചെയ്യുന്ന ദൈവം നമ്മോടു കൂടെയുണ്ട്. അവിടുന്ന് തക്ക സമയത്ത് നമുക്ക് നീതി നടത്തി തരും. പെറ്റമ്മ മറന്നാ...ലും മറക്കാത്ത സ്നേഹമായ ദൈവത്തെ പോലെ നമ്മുടെ കാര്യത്തിൽ താല്പര്യം കാണിക്കാൻ ഈ ഭൂമിയിൽ ഒരു ദേവന്മാരുമില്ല. കാഴ്ചയോ കേൾവിയോ ഇല്ലാത്ത ദൈവമല്ല നമ്മുടെ ദൈവം. ദൈവം തന്നെയായ സ്വന്തം പുത്രനെ തന്നുപോലും നമ്മെ സ്നേഹിച്ച ദൈവം.. ആ പുത്രനായ ദൈവമാകട്ടെ, സ്വയം ശൂന്യനായി നമ്മോടുകൂടെ എന്നും പരിശുദ്ധ കുർബാനയിൽ വസിക്കുന്നു. വിശുദ്ധ അഗസ്റ്റിൻ പറയുന്ന മനോഹരമായ ഒരു കാര്യമുണ്ട്. ഓ അതി നൂതനവും, അതി പുരാതനവുമായ സത്യസൌന്ദര്യമേ നീ എന്റെ ഉള്ളില ഉണ്ടായിരുന്നിട്ടും ഞാൻ അങ്ങയെ അന്വേഷിച്ചു പുറത്തു അലയുകയായിരുന്നു, എന്ന്. നമ്മളും ഇതുപോലെ അലയുകയാണ്. ഒരുകാര്യം നമുക്ക് മനസിലാക്കാം.. നമ്മുടെ ശിരസ്സിലെ മുടികൾ പോലും എണ്ണി തിട്ടപ്പെടുത്തുന്ന അവിടുത്തെ കരുതലിന് കീഴിലാണ് നമ്മൾ. അവിടുന്നിൽ പൂര്ണമായി ആശ്രയിക്കുവാനും വിശ്വസിക്കുവാനും സാധിക്കുന്നവർ ഭാഗ്യവാന്മാർ. മന്ത്രവാദികൾക്കോ കൈനോട്ടക്കാർക്കോ നമ്മുടെ ഭാവി അറിയില്ല. അത് അറിയുന്നവാൻ ദൈവം മാത്രമാണ്... പൂര്ണമായ വിശ്വാസത്തോടെ, ശരണത്തോടെ നമുക്ക് ഈ ദിവസം ആരംഭിക്കാം... ദൈവം നമ്മളോട് പറയുന്നു......
No comments :
Post a Comment