ഈ പ്രഭാതത്തിൽ

ഈ പ്രഭാതത്തിൽ...ഈശോയെ, അങ്ങയുടെ സ്നേഹത്തിന്റെ സമ്മാനമായി ഈ പ്രഭാതം അങ്ങെനിക്കു നല്കിയതിനു അങ്ങയെ ഞാൻ ആരാധിക്കുന്നു സ്തുതിക്കുന്നു.
ഇന്നും എന്നും, ചിന്തയിലും വാക്കിലും പ്രവര്ത്തിയിലും അങ്ങയുടെ സ്വന്തമായി തന്നെ ജീവിക്കുവാൻ എന്നെ സഹായിക്കണമേ.
ഇന്ന് എന്റെ ജീവിതത്തിൽ സഭയുടെയും സമൂഹത്തിന്റെയും നന്മയ്ക്കായി അങ്ങനുവദിക്കുന്ന എല്ലാ കാര്യങ്ങളിലും  അങ്ങയുടെ തിരുവിഷ്ടം അറിഞ്ഞു ഞാൻ പ്രവര്ത്തിക്കുവാൻ അങ്ങയുടെ കൃപ എനിക്ക് വേണം.
നന്മയിൽ നടക്കുവാൻ, നല്ലത് ചിന്തിക്കുവാൻ, നന്മ പറയുവാൻ, നല്ലത് കേള്ക്കുവാൻ, മറ്റുള്ളവരിൽ നന്മ ദർശിക്കുവാൻ, അങ്ങയുടെ മനോഭാവം എനിക്കും നല്കണമേ.
എല്ലാം നേടുവാനുള്ള ആഗ്രഹം എന്നിൽ നിന്നും എടുത്തു മാറ്റണമേ, അങ്ങയെ പ്രതി എല്ലാം നഷ്ടപ്പെടുത്തുവാൻ എന്നെ പഠിപ്പിക്കണമേ.
ആയുസ്സും പ്രശസ്തിയും, പണവും സ്ഥാനമാനങ്ങളും ഞാൻ അങ്ങയോടു ചോദിക്കുന്നുള്ള, അന്നന്ന് ദൈവസ്നേഹത്തിലും പരസ്നേഹത്തിലും ജീവിക്കുവാൻ എന്നെ സഹായിക്കണമേ.
എനിക്കുള്ളത്, അല്പ്പമാണെങ്കിൽ പോലും, ദാരിദ്ര്യം അനുഭവിക്കുന്ന സഹോദരങ്ങളുമായി പങ്കുവെക്കുവാൻ എന്നെ സഹായിക്കണമേ
അങ്ങയുടെ പരിശുദ്ധാതമാവിനെ എന്നിൽ നിന്നും എടുത്തു മാറ്റരുതേ. സത്യത്തിന്റെയും സ്നേഹത്തിന്റെയും ക്ഷമയുടെയും എളിമയുടെയും വഴിയിൽ സഞ്ചരിക്കുവാൻ പരിശുദ്ധാത്മാവ് എന്നെ സഹായിക്കട്ടെ.
അങ്ങയുടെ മനസിനെ വേദനിപ്പിക്കുന്ന ഒന്നും എന്റെ ജീവിതത്തിൽ സംഭവിക്കാതിരിക്കട്ടെ.
പരിശുദ്ധ അമ്മയും മാലാഖമാരും വിശുദ്ധരും എനിക്കും ലോകം മുഴുവനും വേണ്ടി സമര്പ്പിക്കുന്ന പ്രാർത്ഥനകളിൽ അങ്ങ് സംപ്രീതനാകണമേ..ആമേൻ//